امي الأمان

فجأة ساب البيت ومشيوسابنا للزمان
وأم في بلد غريبةوثلاث قلوب مالهاش امان

كانت تعبانة والمرض
واقف قصادها زي الجبال
بس حضنت ولادها وقالت
أنا لكم أم… وأنا الأمان

كانت بتخبي دمعتها
وتضحك لينا في كل مكان
عشان تحسسنا إن الدنيا
لسه بخير… ولسه في امان



ليالي عدت وهي لوحدها
شايلة وجعها في السكوت
بس حضنها كان بيت كبير
يدفينا مهما كان الصوت



أمي كانت بطلة
واقفة قدام الدنيا
لوحدها شالتنا
وقالت دي حياتي أنا

كبرنا قدام عينيها
وبقى تعبها بيبان
واحد بقى أب وفرحت
بأول حفيد وصل المكان

والتاني بقى صيدلي
رافع راسها بين الناس
والتالت حلمه عالي
وطموحه مالوش قياس




قالوا فين الأهل؟
فين اللي يسند في الطريق؟
لا عم وقف جنبنا
ولا خال شال الضيق

بس أمي كانت جيش
وقلبها أكبر وطن
تحارب المرض بضحكة
وتقول بكرة أحلى زمن

وأنا الصغير بينهم
كنت شايف كل الحكاية
كنت صاحبها قبل ما أكون
ابنها في بداية الرواية



كبرت وأنا شايل وجعها
وحافظ الدموع اللي في عينيها
و وعدتها مهما طال حزنها
أعوّض تعب الليالي عليها




أمي كانت بطلة
قلبها مليان أمل
وقفت قدام الدنيا
وكَسرت كل جبل

كبرنا قدام عينيها
وبقى الحلم حقيقة
ثلاث قلوب من تعبها
بقت نجوم مضيئة

واحد أب وفرحت
بأول حفيد بين إيديها
والتاني صيدلي ناجح
شايل تعب الليالي فيها

وأنا الصغير بينهم
و دي حكايتي معاها
لو حد سأل مين رباني
أقول دي أمي… وكل دنيايا



ولو سألتوني مين ناهد
أقول دي عمري وحياتي
دي اللي صنعت مني راجل
وكتبت بايديها حكاياتي….

Indie Pop, Classical, Sentimental, Inspirational, Hopeful, Cinematic, Male Vocals, Harmonized Vocals, Piano, Violin, Cello, Acoustic Guitar, Drums, Slow (66-76 BPM), Steady, Pulsing